ആസക്തി

ആസക്തി ഭ്രാന്താകുന്നു, ആസക്തി അഗ്നിയാകുന്നു, അത് മനുഷ്യരെ സത്യത്തെക്കുറിച്ച് അജ്ഞരാക്കി നിർത്തുന്നു. അത് അവരെ വിഡ്ഢികളാക്കുന്നു. അത് അവരെ അവബോധമില്ലാത്തവരാക്കുന്നു. അത് അവരെ മദ്യപരാക്കുന്നു.....ആസക്തിയിൽ ജീവിക്കുന്ന മനുഷ്യന്റെ ജീവിതം പരിപൂർണ്ണമായും അബോധ പരമായിരിക്കും. അയാൾ ചെയ്യുന്നതെന്തായാലും അതു തെറ്റായിരിക്കും. അയാൾ പറയുന്നതെന്നും തെറ്റായിരിക്കും. അയാൾക്ക് കാഴ്ചയില്ല. അയാൾ അന്ധനാണ്. അയാൾക്ക് കേൾവിയില്ല, അയാൾ ബധിരനാണ്. ആസക്തിയല്ലാതെ മറ്റൊന്നും മനുഷ്യനെ ഇത്രമാത്രം നിന്ദ്യനും മൃഗസമാനനുമാക്കുന്നില്ല..... ഓഷോ