വിചിത്രവീര്യന്റെ വിവാഹം

വിചിത്രവീര്യന്റെ വിവാഹം

ശന്തനു മഹാരാജാവ് സത്യവതിയെ വിവാഹം ചെയ്തു സന്തോഷത്തോടെ ദാമ്പത്യം നയിച്ചു. കുറച്ചു കാലം കഴിഞ്ഞു അദ്ദേഹത്തിന് 2 പുത്രന്മാർ ജനിച്ചു. ചിത്രാംഗതനും വിചിത്രവീര്യനും. തന്റെ മരണത്തിന് മുന്പ് ശന്തനു മഹാരാജവ് ഭീഷ്മരോട് ഭാരത
സിംഹാസനത്തിന്റെ എന്നെന്നേയ്ക്കുമായുള്ള നിലനില്പിന്റെ കാവലാളായിരിയ്ക്കാന് ആവശ്യപ്പെട്ടു. വീരനായ ഭീഷ്മര് പിതാവിന്റെ ആജ്ഞ
ശിരസ്സാവഹിച്ചു. ഭീഷ്മർ ചിത്രാംഗതനെ രാജാവായി വാഴിച്ചു. സമര്തഥനായ അദ്ദേഹം അനേകം രാജാക്കന്മാരെ പരാജയപ്പെടുത്തി നന്നായി രാജ്യം ഭരിച്ചു. അദ്ദേഹത്തിന്റെ സാമാർഥ്യം അറിഞ്ഞ ഗന്ധര്വന്മാരുടെ രാജാവ് അദ്ദേഹത്തെ യുദ്ധത്തിന് വെല്ലുവിളിച്ചു. സരസ്വതി നദിയുടെ തീരത്തു വച്ച് നടന്ന ആ യുദ്ധത്തിന്റെ മൂന്നാം ദിവസം ചിത്രാംഗതനെ
മായാവിയായ ഗന്ധര്വ്വന് പരാജിതനാക്കി,വധിച്ചു.
പിന്നീട് ഭീഷ്മർ വിചിത്രവീര്യനെ രാജാവാക്കി.. വിചിത്രവീരന് വിവാഹം കഴിക്കാനുള്ള സമയമായി എന്ന് സത്യവതി ഭീഷ്മരോട് പറഞ്ഞു .. അത്
ശെരിയാണ്.. അടുത്ത് തന്നെ കാശി രാജ്യത്തെ രാജകുമാരിമാരായ അംബ, അംബിക ,അംബാലിക എന്നിവരുടെ സ്വയം വരം ഉണ്ടാകുമെന്നും അതിൽ
ആരെയെങ്കിലും വിചിത്രവീര്യന് വിവാഹം ചെയ്യാം എന്നും പറഞ്ഞു.. അവർ കാശി രാജ്യത്തെ രാജാവിന്റെ
ക്ഷണം പ്രതീക്ഷിച്ചിരുന്നു... എന്നാൽ അവരുടെ പ്രതീക്ഷയ്ക്ക് വിപരീതമായി കാശി രാജാവ് അവരെ
സ്വയംവരത്തിനു ക്ഷണിച്ചില്ല. ഇത് അറിഞ്ഞ ഭീഷ്മർ ഇത് ഹസ്തനപുരിയോടുള്ള വലിയ നിന്ദയാണെന്നും അതിനാൽ മൂന്നു രാജകുമാരിമാരെയും
വിചിത്രവീര്യനെകൊണ്ട് തന്നെ വിവാഹം ചെയ്യിക്കും എന്ന് പറഞ്ഞു കാശി രാജ്യത്തേക്ക് പുറപ്പെട്ടു.
ഭീഷ്മർ സ്വയംവരസദസ്സിലേയ്ക്ക് കടന്നു വന്നു എന്നിട്ട് ആ കന്യകമാരെ ബലം പ്രയോഗിച്ചു
രഥതിലേക്കു കയറ്റി എന്നിട്ട് അവിടെ ഉള്ള രാജാക്കന്മാരെ എല്ലാം യുദ്ധത്തിനു വെല്ലുവിളിച്ചു അവരെല്ലാം ഒരുമിച്ചു ഭീഷ്മരോട് എതിർത്തെങ്കിലും അവരെയെല്ലാം ഭീഷ്മർ നിഷ്പ്രയാസം തോല്പ്പിച്ചു. നിസ്സഹായരായ അവർക്ക് ഭീഷ്മരിനോടൊപ്പം പോകുകയല്ലാതെ വഴിയൊന്നും ഉണ്ടായിരുന്നില്ല. വഴി മദ്ധ്യേ ശൽവ രാജാവ് ഭീഷ്മരിനെ തടഞ്ഞു. ഭീഷ്മർ ശൽവ രാജാവിനെയും സൈന്യത്തെയും നിഷ്പ്രയാസം തോൽപ്പിച്ച് രാജാവിനെ അസ്ത്രങ്ങൾ കൊണ്ട് അയാളുടെ തേരിൽ തന്നെ തടവിലാക്കിയ ശേഷം യാത്ര തുടർന്നു.. ആ പെണ്കുട്ടികളില് അതിസുന്ദരിയായ മൂത്തവള് അംബ ഭീഷ്മരോട് താന് സാല്വരാജാവിനെ മനസാ വരിച്ചു കഴിഞ്ഞതാണെന്നു ലജ്ജാനമ്രമുഖിയായി അറിയിച്ചു.

"സാല്വരാജാവിനും എന്നെ ഏറെ പ്രിയമാണ്. അതിനാല് അങ്ങയുടെ കുലത്തിനു ചേര്ന്ന രീതിയില്പെരുമാറിയാലും"

കന്യക ഇങ്ങിനെ പറഞ്ഞപ്പോള് ഭീഷ്മര് കൊട്ടാരത്തിലെ മുതിര്ന്നവരുമായി പര്യാലോചിച്ചു. എന്നിട്ട് അവളെ സ്വതന്ത്രയായി പോകാന് അനുവദിച്ചു. ഒരു വലിയ സൈന്യത്തോടൊപ്പം എല്ലാ ആദരവോടും കൂടി അംബയെ ശൽവ
രാജ്യത്തേക്ക് അയച്ചു ..ഈ കാര്യം നേരത്തെ അറിഞ്ഞിരുനെങ്കിൽ അംബയെ ഭീഷ്മർ ബലമായി പിടിച്ചു കൊണ്ട് വരില്ലായിരുന്നു എന്ന് പറഞ്ഞു അംബയോട് ഭീഷ്മർ മാപ്പ് പറഞ്ഞു.. പക്ഷെ അംബയെ ഭീഷ്മർ യുദ്ധം ചെയ്തു ജയിച്ചതിനു ശേഷം ഭിക്ഷയായി
തനിക്കു തരുന്നത് അപമാനിക്കാൻ വേണ്ടിയാണ് എന്നാണ് ശാൽവ രാജാവ് കരുതിയത്.. അത് കൊണ്ട് അയാൾ അംബയെ സ്വീകരിക്കാൻ തയ്യാറായില്ല അവൾ
അയാളുടെ കാല് പിടിചു കേണിട്ടും ഭീഷ്മരുടെ ദാനം സ്വീകരിക്കുന്നത് രാജാവെന്ന നിലയിൽ തനിക്കു
അപമാനമാണെന്ന് അയാൾ അംബയോട് തീർത്തു പറഞ്ഞു.. നിവൃത്തിയില്ലാതെ അംബ ഭീഷ്മരിന്റെ അടുത്തേക്ക് തന്നെ മടങ്ങി. തന്റെ അവസ്ഥ പറഞ്ഞു അവൾ സത്യവതിയുടെയും ഭീഷ്മരിന്റെയും
കാലിൽ വീണു കരഞ്ഞു പറഞ്ഞു... ഇനി
ഞാൻ കൊട്ടരത്തിലെയ്ക്ക് മടങ്ങി പോയാൽ അവിടെയുള്ളവർ എന്നെ പരിഹസിക്കും എനിക്ക് ഇനി യാതൊരു ആശ്രയവും ഇല്ല.. തന്റെ ഈ അവസ്ഥയ്ക്ക്
കാരണം ഭീഷ്മർ ആണ് അത് കൊണ്ട് ഭീഷ്മർ
തന്നെ അംബയെ വിവാഹം ചെയ്യണം എന്ന്. അവൾ ഭീഷ്മരിനോട് യാചിച്ചു പക്ഷെ തന്റെ പ്രതിജ്ഞ തെറ്റിക്കാൻ കഴിയില്ല ..അത് കൊണ്ട് വിവാഹം
ചെയ്യാൻ കഴിയില്ല എന്നും ഭീഷ്മർ തീർത്തു പറഞ്ഞു....
ഇനി എന്ത് തന്നെ പറഞ്ഞാലും ഭീഷ്മർ തന്നെ സ്വീകരിക്കാൻ തയ്യാറാവില്ല എന്ന് മനസ്സിലാക്കിയ അംബയുടെ ഭാവം മാറി... അവൾ ഭീഷ്മരെ തന്റെ ആജന്മ ശത്രുവായി കണ്ടു തുടങ്ങി.. .. കോപം
അടക്കാനാകാതെ അംബ ആ സദസ്സിൽ വെച്ച് തന്റെ സഹോദരിമാരും ഭീഷ്മരും സത്യവതിയും മറ്റു സഭാംഗങ്ങളും കേൾക്കെ ശപഥം ചെയ്തു ..എത്ര ജന്മം
എടുക്കേണ്ടി വന്നാലും ഇനി ഭീഷ്മരിന്റെ മരണം ആണ് തന്റെ ലക്ഷ്യമെന്നും സ്വയം അതിനു കഴിഞ്ഞില്ലെങ്കിൽ അതിനുള്ള കാരണമെങ്കിലും താൻ ആകും എന്നും
എന്നിട്ട് അവൾ ആ രാജസദസ്സിൽ നിന്നും ഇറങ്ങി പോയി.
അംബ പോയ ശേഷം സഹോദരിമാർ ആയ അംബികയെയും അംബാലികയെയും വിചിത്രവീര്യൻ വിവാഹം കഴിച്ചു.
(തുടരും)...