ധൃതരാഷ്ട്രരുടെയും പാണ്ഡുവിന്റെയും ജനനം....

ധൃതരാഷ്ട്രരുടെയും പാണ്ഡുവിന്റെയും ജനനം....
 .

അം ബ പോയ ശേഷം സഹോദരിമാർ ആയ അംബികയെയും അംബാലികയെയും വിവാഹം ചെയ്തു വിചിത്രവീര്യൻ 7 വർഷത്തോളം സന്തോഷത്തോടെ പത്നീസമീതനായി ജീവിച്ചു. എന്നാൽ 7 വര്ഷം കഴിഞ്ഞപ്പോൾ ഒരു അസുഖം വന്ന് അദ്ദേഹം സ്വർഗ്ഗാരോഹണം ചെയ്തു. ഭീഷ്മർ അദ്ദേഹത്തിന്റെ സംസ്കാര കർമങ്ങൾ ഒക്കെ നിർവഹിച്ചു. മക്കളുടെ മരണത്തിൽ വിഷമത്തോടെ ഇരുന്ന സത്യവതി രാജ്യത്തിന്റെ ഭാവിയെകുറിച്ചു ആലോചിച്ചു. വിചിത്രവീര്യനു മക്കൾ ഉണ്ടായിരുന്നില്ല. തന്റെ ആഗ്രഹമാണ് രാജ്യത്തിന്റെ ഈ അവസ്ഥക്ക് കാരണമെന്നും താൻ തന്റെ മകനെ രാജാവാക്കുന്നതിനു വേണ്ടി ഭീഷ്മരിനെ രാജാവാകാൻ അനുവദിക്കാതിരുന്നതിന്റെ ഫലമാണ് രണ്ടു പുത്രൻമാരും മരിച്ചതെന്നും സത്യവതി ദുഃഖത്തോടെ ഓർത്തു. ഈ അവസരത്തിൽ ഭീഷ്മരിന്റെ പ്രതിജ്ഞ ആണ് രാജ്യത്തിന്റെ ഏറ്റവും വലിയ ശത്രു. രാജനീതി അനുസരിച്ച് ഭീഷ്മർ അംബികയെയും അംബാലികയെയും വിവാഹം ചെയ്തു സന്താനങ്ങളിലൂടെ രാജ്യാവകാശം നിലനിർത്തണം എന്ന് സത്യവതി ഭീഷ്മരിനോട് പറഞ്ഞു. ഭീഷ്മർ ധർമ സങ്കടത്തിലായി. ഭീഷ്മർ എന്ത് തീരുമാനം എടുക്കണം എന്നാലോചിച്ചു തന്റെ ശപഥം തെറ്റിക്കാൻ ആവില്ല എന്ന് അദ്ദേഹം തീർത്തു പറഞ്ഞു. ഒരു വഴിയും കിട്ടാതെ ഇരുന്ന സത്യവതി തന്റെ പുത്രനായ കൃഷ്നദ്വൈപായനെ കുറിച്ച് ഓർത്തു (അദ്ദേഹത്തിന്റെ ജനന കഥ പിന്നീട് പറയുന്നതാണ്). അമ്മ സ്മരിച്ച മാത്രയിൽ തന്നെ അദ്ദേഹം അടുത്തെത്തി. സത്യവതി വ്യാസനോടു വിചിത്രവീര്യന്റെ ഭാര്യമാർക്ക് സന്താനങ്ങളെ നല്കാൻ നിർദ്ദേശിച്ചു.
വ്യാസൻ പറഞ്ഞു : അങ്ങനെ ആകട്ടെ അമ്മെ. പക്ഷെ അവർ ഞാൻ പറയുന്ന വ്രതം ഒരു വർഷക്കാലം അനുഷ്ഠിക്കണം. അതിനു ശേഷം മാത്രമേ അവർക്കു എന്നെ സമീപിക്കാൻ ആകുക ഉള്ളു എന്ന്.
അനന്തരവകാശി ഇല്ലാതെ ഇരുന്ന രാജ്യത്തിന്റെ നന്മയ്ക്കു വേണ്ടി സത്യവതി വ്യാസനോടു എത്രയും വേഗം പുത്രാ ധാനം നടത്താൻ നിർദ്ദേശിച്ചു. തന്റെ വിരൂപത്തെയും, വസ്ത്രവും ശരീരവും ഒക്കെ അവർക്കു സഹിക്കാൻ സാധിക്കുമെങ്കിൽ അവർക്കു ഉത്‌കൃഷ്ടനായ പുത്രന്മാരെ ലഭിക്കും എന്ന് പറഞ്ഞു വ്യാസൻ. പക്ഷെ, ‘ആത്മാവും ആത്മാവും തമ്മില് ചേര്ന്നാലേ സല്പുത്രന്മാര് ഉണ്ടാകൂ.. വെറും ശരീര സമ്പര്ക്കം മാത്രം പോരാ. കാട്ടില് ജീവിക്കുന്ന തന്നെ
ഇഷ്ടപ്പെടാന് ‍കൊട്ടാരത്തിലെ സുഖസൌഖര്യങ്ങളില് മുഴുകി കഴിയുന്ന അംബികയ്ക്കും അംബാലികയ്ക്കും ആകുമോ’ എന്ന സന്ദേഹം മഹര്ഷിക്കുണ്ടായി.
സത്യവതിക്കും ആ സന്ദേഹം ഉണ്ടായിരുന്നു.
അതുകൊണ്ട് സത്യവതി ദാസിയായ ഒരു ശൂദ്രസ്ത്രീയെക്കൂടി ഒരുക്കി നിര്ത്തിയിരുന്നു.
വേദവ്യാസൻ പറഞ്ഞത് അനുസരിച്ച്
കൊട്ടാരത്തിലെ ഒരു മുറിയിൽ അദ്ദേഹത്തെ ഇരുത്തിയ ശേഹം സത്യവതി ആദ്യം അംബികയെ കാര്യങ്ങൾ പറഞ്ഞു മനസ്സിലാക്കി വ്യാസന്റെ അടുക്കലേക്കു അയച്ചു... മനസ്സില്ലാമനസ്സോടെ അവൾ വ്യാസന്റെ അടുത്തെത്തി വ്യാസന്റെ രൂപം കണ്ടു പേടിച്ച അംബിക കണ്ണുകൾ അടച്ചുകളഞ്ഞു... അത്കൊണ്ട് അംബികയ്ക്ക് ഉണ്ടാകുന്ന കുട്ടി അന്ധനായിരിക്കും എന്ന് വ്യാസൻ സത്യവതിയെ അറിയിച്ചു. അങ്ങനെ അവള്ക്ക്
അന്ധനായ ധൃതരാഷ്ട്രര് ഉണ്ടായി (ഹംസനെന്ന
ഗന്ധർ വ്വനാണ് ധൃതരാഷ്ട്രർ). ഇത് അറിഞ്ഞ സത്യവതി അംബാലികയോട് കാര്യങ്ങൾ പറഞ്ഞു മനസ്സിലാക്കുന്നതിനു ഒപ്പം കണ്ണുകൾ അടക്കാതെ നോക്കാൻ പ്രതേകം പറഞ്ഞയച്ചു... അംബാലിക കണ്ണുകൾ അടച്ചില്ല പക്ഷെ വ്യാസനെ കണ്ടു ഭയന്ന് വിറച്ച് വിളറി മഞ്ഞിച്ചുപോകുന്നു. അതുകൊണ്ട് അവള്ക്ക് പാണ്ഡു എന്ന മകന് (തൊലിയില് എന്തോ അസുഖമുള്ള) ഉണ്ടാകുന്നു. ഇത് നേരത്തെ അറിയാമായിരുന്ന മഹര്ഷി തന്നെ ഭക്തിയോടെ ശുശ്രൂഷിച്ച ദാസിയ്ക്ക് സത്പുത്രനെ നല്കുന്നു.. അതാണ് മഹാവിദുഷിയായ വിദുരര് ( ധര്മ്മരാജനാണ് മാണ്ഡവ്യശാപത്താൽ വിദുരരായി ജനിക്കുന്നത്. വിദുരര് മഹാഭാരതകഥയിലുടനീളം ഭീഷ്മരോടൊപ്പം നിന്ന് ധര്മ്മത്തിന്റെ വിജയത്തിനായി പരിശ്രമിക്കുന്നു).