കേവലം ഏഴുദിവസങ്ങൾ കൊണ്ട് തുര്യഗയിലെത്തിയ പരീക്ഷിത്തിൻ്റെ കഥ

🙏 " കേവലം ഏഴുദിവസങ്ങൾ കൊണ്ട്      തുര്യഗയിലെത്തിയ പരീക്ഷിത്തിൻ്റെ കഥ.,"🙏

ശ്രീമദ് ഭാഗവതത്തെ ശ്രദ്ധാപൂർവ്വം അനുസന്ധാനം ചെയ്യുന്നവർക്കു അതിൽ വർണ്ണിതമായിരിക്കുന്ന പരീക്ഷിത്തിൻ്റെ മോക്ഷഗതി മനസ്സിലാകും.
ശ്യംഗി പരീക്ഷിത്തിനെ ശപിക്കുമ്പോൾ കേവലം ഏഴുദിവസങ്ങൾ മാത്രമെ ഈ ഭൂമിയിൽ പരീക്ഷിത്തിന് ജീവിതം ബാക്കിയുണ്ടായിരുന്നുള്ളു.ഉത്തമനായ ഒരു ഗുരുവിനെ കണ്ടെത്തിയാൽ ആനന്ദത്തിൻ്റെ ഒരു ലോകം കെട്ടിപ്പടുക്കാൻ ഏഴു ദിവസങ്ങൾ തന്നെ ധാരാളം മതിയെന്ന് രാജാവിന് മനസ്സിലായി.തുടർന്ന് ഏറ്റവും ഉത്തമനായ ശുകബ്രഹ്മർഷിതന്നെ ഈശ്വരേച്ഛയാ വന്നു ചേർന്നു.ശുകബ്രഹ്മനിലൂടെ തനിക്ക് ഭാഗവത ശ്രവണത്തിനു വേണ്ട എല്ലാ ഒരുക്കങ്ങളും രാജാവ് ദ്രുതഗതിയിൽ ചെയ്യിതു.ഒന്നാം ദിവസം തന്നെ ശുകബ്രഹ്മൻ പരീക്ഷിത്തിനെ ശുഭേച്ഛയുടെ ലോകങ്ങളിലേയ്ക്ക് കൂട്ടികൊണ്ടുപോയി - തക്ഷകൻ കൊല്ലാനിരിക്കുന്ന ലോകങ്ങളിൽ നിന്നു വ്യത്യസ്തമായ,ഇന്ദ്രിയപരിപ്രേഷ്യത്തിൻ്റെ ലോകത്തു നിന്നും വിഭിന്നമായ,കാലദേശപരിച്ഛിന്നമായ ലോകത്തുന്നും വ്യത്യസ്തമായ ശുഭേച്ഛയുടെ ലോകത്തേയ്ക്ക്......
അങ്ങനെ ഒന്നാം ദിവസം തന്നെ പരീക്ഷിത്ത് മറ്റൊരു ലോകത്തായി.
രണ്ടാം ദിവസം ശ്രീശുകൻ പരീക്ഷിത്തിനെ അപരിമേയസച്ചിദാനന്ദത്തിലേയ്ക്കടുപ്പിക്കുന്ന സുവിചാരണയുടെ ലോകത്തിലേയ്ക്കാണ് കൂട്ടിക്കൊണ്ടുപോയത്.
മൂന്നാം ദിവസം പരീക്ഷിത്തിൻ്റെ മനസ്സിന് സൂക്ഷ്മത കൈവരുത്തി തനു മാനസയിൽ കൊണ്ടെത്തിച്ചു.
നലാം ദിവസം പരീക്ഷിത്ത് സത്വാപത്തിയിലെത്തി.
അഞ്ചാം ദിവസം ശുകബ്രഹ്മഷി പരീക്ഷിത്തിനെ അസംസക്തിയിലെത്തിച്ചു.
ആറാം ദിവസം പരീക്ഷിത്ത് പദാർത്ഥാഭാവനയിലേക്കുയർന്നു.
പദർത്ഥങ്ങൾ അഭാവമാകുന്ന,വസ്തുപരിച്ഛേദങ്ങളെല്ലാം അറ്റുപോകുന്ന,പദാർത്ഥാഭാവനിയുടെ ഉത്തുംഗശൃംഗത്തിൽ നിന്ന്,പരിക്ഷ്യങ്ങളായ ലോകങ്ങളിൽ നിന്നെല്ലാം പരീക്ഷിത്തിനെ മുക്തനാക്കി ശുകബ്രഹ്മൻ തുര്യഗയിലേക്കെത്തിച്ചപ്പോൾ ചിന്താമണിദ്വീപിൽ പരീക്ഷിത്ത് ആനന്ദത്തിൻ്റെ ലോകങ്ങളിൽ ആറാടി.
ഇതാണ് ശ്രീമദ് ഭാഗവതം വർണ്ണിക്കുന്ന പരീക്ഷിത്തിൻ്റെ മോക്ഷഗതി.

             തുര്യഗയിലെത്തിയ പരീക്ഷിത്തിന്
        തക്ഷകൻ്റെ ദംശം എങ്ങനെ ഏല്ക്കാനാവും? 🙏